كانوا جدودنا كيعاودو لينا على راسهوم كيفاش عاشوا حياة صعيبة.. بلا روبينيات دالما.. بلا ضو.. بلا تلاجة بلا بوطة بلا فران.. كلشي كيستعملوا فيه المجهود العضلي باش يصاوبوه.. أشياء حنا دابا كنديروها ب"كبسة زر"!
كانوا كيسهروا يتعاودوا ويهضروا ويضحكوا وينشطوا.. ويتجمعوا العائلة وللخوت والحباب ويديروا الموائد والمأدبات.. .. وينعسو وينوضو للفجر.. يصليو ويقراو.. ها للي يعجن.. ها للي يسڭي.. ها للي يحرث.. ها للي يخرج يبيع ولا يرعى.. كانوا صحاح! يسهروا ويفيقوا بكري ويهزوا التقل.. وغالبين الدنيا وما مخلليينش الدنيا تغلبهوم!
دابا الشباب.. ها الطرامواي.. ها الطاكسي.. الما موجود.. الضو موجود.. ها الغسالة.. ها البوطة.. ها التلاجة.. كياكلوا فالسناكات الماكلة واجدة.. كلشي ساهل كلشي واجد.. كيمشيو للخدمة يڭلسو النهار وماطال.. وللي ما خدامش راه ناعس.. ولا واقف عاصر فلافاك ولا الحومة.. ها الپورطال ها الپي سي.. وبنادم عيــــــــــــــــــــــــــــ
حتى حد ما فيه مايهضر.. حتى حد ما فيه ما يسمع.. كلشي معصب.. كلشي مريـــــــــــــــــــــض.. كلشي مدڭدڭ.. كلشي مامساليش.. كلشي ما فـــــــــــيه ما يجاوب.. مافيـــــــــــــــــــــــــه
مايسة
أعلن هنا
0 ردود الأفعال :
إرسال تعليق
تعليقك هنا...................