عبد السلام ادير
وانا اشعر بالقلق يتزايد بسبب تدني مردودية صفحة ملتقى ايت ايكاس وضعت السؤال التالي :
فينا هي ديك 600 عضو لتسجلات في الملتقى ؟
الملتقى محتاج ليكوم كلكم.صحيح.؟ تشاركو بنظرياتكم وافكاركم .تبينو شوية بلادكم .
علاش ،شي مهتم بمصير البليدة فين تزاد وكبر وفين عايشين والديه وعائلته ولكن شي بقا شاد بلاصة ماينفع مايضر كيتفرج ،
كاينين بعضين كيجيو للصفحة فقط باش يشاطيو ويبانوا على البنات ،ياسيدي هذا ماشي موقع للدردشة مع الاصدقاء في مواضيع لا علاقة لها مع احترامي لتوجهاتكم ...تقول هاد الناس باقي ما عاقوا ولا فاقوا ولا عرفوا كيفاش ينفعوا بلادهم ولو بقليل.وبالعكس يشجعوا مواقع تضر بهم و باخلاق الشباب ،
اسيدي انت حر شارك فنما بغيتي ،وتبع الستون لي جا على خاطرك ،لكن حشومة تقول انك ايكاسي وفي نفس الوقت حضورك خاوي ،ومن نهار دخلتي الملتقى وانت ساكت علينا ،لا فكرة لا موضوع لا كومنتير ولا هم يحزنون..
والله بلادك وميمتك واصلك ما عندك فين تهرب عليها، وكتسالك حقوق .
بحال قاري او خدام او مسركل او داير لحية او تشويكة ،او حتى بدلتي الجنسية ،تمازيرت هي عنوانك وشرفك واعتزازك وهويتك ،والا مانفعتي بلادك راك ماتنفع حتى راسك،
ما فائدة انني نمشي لمواقع فقاع الدنيا وندير اصدقاء وصديقات في كل قارة ونخلي ورائي عرض بلادي وشرفها يستغلوالغادي والبادي وانا مامسوق .آش نكون ، آش نسوا واش غانولي بالسلامة الى بخلت مانعاون اولاد بلادي وتنمية بلادي ومصير بلادي .شكون نتسنى يجي يعمل لي مصالح ومنجزات وانا غايب .
بلادك يا صاحبي ماشي عاهرة بارك الله فيك ،بمواليها ليكايخافو عليها ويغيرو وما يسمحو لي بغا يقول شي عيب فيها.او يغتصب حقوقها .
اولادنا ما قاريينش فقرائنا مهمشين طرقاننا محفرة الامية والمصاريف دايرة فينا حالة
تربية اجيالنا واخلاقهم في خطر.امهاتنا وابائنا واخواتنا اصبحت مجرد اصوات مجرد ارقام تيقلبوا عليهم مرة في سنوات .
انا ماسوقيش نت ماسوقكش .انا ماخدنيش نت مامساليش ،..وشكون لمسالي يعمل شي طيسة ولا شي مزية ؟الناس المسنين ؟البراني ؟....
ماتاخدوش علي اخواني اصدقائي الاعزاء وما تقلقوش ،انا ماباغي لا نبان ولا مصلحة لراسي وما شايط علي وقتي، إنما باغي نفكر دوك الناعسين ودوك الفضوليين لي ماعندهم علاقة بملتقى شباب ايت ايكاس.مابقاتش لينا في القلدة واستعمار اللائحة بلا حشمة.الى ماراضيش تكون ايكاسي صالح راك ماتقدرش تكون مواطن صالح .لأنك تتنكر لبلادك وخير بلادك إذن حتى عائلتك غير مفروضة عليك ما راضيش بها وصافي.
بغينا التقدم وحنا كنخربوا.ونبخلوا ونعجزو حتى ذاك لي فيه شوية دلحماس. بغينا الاصلاح والمرافق العمومية وحنا اشد الاعداء لاية حركة للاصلاح.آش نقول للاخوان ؟ من الاحسن الواحد اذا ما بغا يشارك فشي مجموعة ،احسن يسلت ويشوف غرضو فشي جهة اخرى. أما باش تكون الصفحة فيها 600 عضو وفقط بضعة ناشطين فهذا احسن نسميه مسرحية ايت ايكاس الفايسبوكية. وحتى المسرح كثيرة عليه ستميات واحد.
نكون ايكاسي وافتخر أشلحي أو أعراب ما يهمش ، وبريء من كل مفسد وكل مستغل او معاكس لتنمية ايت ايكاس .ومن كل غشاش اوسارق مارق.
ملتقى ايت ايكاس للشباب والحوار والنقاش البناء من اجل الانماء ومصلحة البلاد والعباد .ولي لقى كلامي خارج على الموضوع يسمح لي .انا ما قصدت شي واحد باسمه .وهادشي لي عندي لكم هذه العشية ،وشكرا.
فينا هي ديك 600 عضو لتسجلات في الملتقى ؟
الملتقى محتاج ليكوم كلكم.صحيح.؟ تشاركو بنظرياتكم وافكاركم .تبينو شوية بلادكم .
علاش ،شي مهتم بمصير البليدة فين تزاد وكبر وفين عايشين والديه وعائلته ولكن شي بقا شاد بلاصة ماينفع مايضر كيتفرج ،
كاينين بعضين كيجيو للصفحة فقط باش يشاطيو ويبانوا على البنات ،ياسيدي هذا ماشي موقع للدردشة مع الاصدقاء في مواضيع لا علاقة لها مع احترامي لتوجهاتكم ...تقول هاد الناس باقي ما عاقوا ولا فاقوا ولا عرفوا كيفاش ينفعوا بلادهم ولو بقليل.وبالعكس يشجعوا مواقع تضر بهم و باخلاق الشباب ،
اسيدي انت حر شارك فنما بغيتي ،وتبع الستون لي جا على خاطرك ،لكن حشومة تقول انك ايكاسي وفي نفس الوقت حضورك خاوي ،ومن نهار دخلتي الملتقى وانت ساكت علينا ،لا فكرة لا موضوع لا كومنتير ولا هم يحزنون..
والله بلادك وميمتك واصلك ما عندك فين تهرب عليها، وكتسالك حقوق .
بحال قاري او خدام او مسركل او داير لحية او تشويكة ،او حتى بدلتي الجنسية ،تمازيرت هي عنوانك وشرفك واعتزازك وهويتك ،والا مانفعتي بلادك راك ماتنفع حتى راسك،
ما فائدة انني نمشي لمواقع فقاع الدنيا وندير اصدقاء وصديقات في كل قارة ونخلي ورائي عرض بلادي وشرفها يستغلوالغادي والبادي وانا مامسوق .آش نكون ، آش نسوا واش غانولي بالسلامة الى بخلت مانعاون اولاد بلادي وتنمية بلادي ومصير بلادي .شكون نتسنى يجي يعمل لي مصالح ومنجزات وانا غايب .
بلادك يا صاحبي ماشي عاهرة بارك الله فيك ،بمواليها ليكايخافو عليها ويغيرو وما يسمحو لي بغا يقول شي عيب فيها.او يغتصب حقوقها .
اولادنا ما قاريينش فقرائنا مهمشين طرقاننا محفرة الامية والمصاريف دايرة فينا حالة
تربية اجيالنا واخلاقهم في خطر.امهاتنا وابائنا واخواتنا اصبحت مجرد اصوات مجرد ارقام تيقلبوا عليهم مرة في سنوات .
انا ماسوقيش نت ماسوقكش .انا ماخدنيش نت مامساليش ،..وشكون لمسالي يعمل شي طيسة ولا شي مزية ؟الناس المسنين ؟البراني ؟....
ماتاخدوش علي اخواني اصدقائي الاعزاء وما تقلقوش ،انا ماباغي لا نبان ولا مصلحة لراسي وما شايط علي وقتي، إنما باغي نفكر دوك الناعسين ودوك الفضوليين لي ماعندهم علاقة بملتقى شباب ايت ايكاس.مابقاتش لينا في القلدة واستعمار اللائحة بلا حشمة.الى ماراضيش تكون ايكاسي صالح راك ماتقدرش تكون مواطن صالح .لأنك تتنكر لبلادك وخير بلادك إذن حتى عائلتك غير مفروضة عليك ما راضيش بها وصافي.
بغينا التقدم وحنا كنخربوا.ونبخلوا ونعجزو حتى ذاك لي فيه شوية دلحماس. بغينا الاصلاح والمرافق العمومية وحنا اشد الاعداء لاية حركة للاصلاح.آش نقول للاخوان ؟ من الاحسن الواحد اذا ما بغا يشارك فشي مجموعة ،احسن يسلت ويشوف غرضو فشي جهة اخرى. أما باش تكون الصفحة فيها 600 عضو وفقط بضعة ناشطين فهذا احسن نسميه مسرحية ايت ايكاس الفايسبوكية. وحتى المسرح كثيرة عليه ستميات واحد.
نكون ايكاسي وافتخر أشلحي أو أعراب ما يهمش ، وبريء من كل مفسد وكل مستغل او معاكس لتنمية ايت ايكاس .ومن كل غشاش اوسارق مارق.
ملتقى ايت ايكاس للشباب والحوار والنقاش البناء من اجل الانماء ومصلحة البلاد والعباد .ولي لقى كلامي خارج على الموضوع يسمح لي .انا ما قصدت شي واحد باسمه .وهادشي لي عندي لكم هذه العشية ،وشكرا.
أعلن هنا
0 ردود الأفعال :
إرسال تعليق
تعليقك هنا...................